Napoli, 10/3/72

Napule

Ncoppa Pusilleco

Se vede sta’ città

E io ca’ guarde

Nun me faccio capace

Comme se po’ disprezzà.

Sti case, ca me pareno pittate

O’ mare, o’ cielo

E llà proprio e rimbette

Stù Vesuvio

Nun fume cchiù

Pur a isse

Hanno fatto sfasterià.

Tu furastiero, nzieme

A qualcun ‘e cca

Dice ca ci stà troppa disonestà.

Furastiero, io te conosco

Si chillo ca rice,

Ies, okei paisane;

Si ‘o stesse ca ‘o 43

Ricive: buono scugnizzo ama la libertà.

Mò tò si scurdate

Quanno stu’ guaglione

Ca nun era cresciuto ancora

Mureve pe me, pe te, e pe’ l’umanità

Perciò stammà ‘a sentì

Chistu scugnizze fallo ‘o fatica’

E quanne viene a Napoli

Vire ca pure ‘o Vesuvio

Torna n’ata vota ‘a fuma’

• Russo Salvatore